Нурууны өвчтэй хүмүүст зориулсан дасгал

Хэрвээ таны нуруу өвддөг бол энэхүү дасгалуудыг хийгээд үзээрэй. Зөвхөн нуруу өвддөг ч гэлгүйгээр нурууны диск гэмтэхээс урьдчилан сэргийлэх дасгалууд юм. Мөн гэдэсний булчин чангалах сайн тал ч бий. 


1. Өвдөгөө нугалан хэвтээ байрлалаас эрүүгээ цээж рүүгээ шахан, 2 гараа сунгаж 6 секундын турш барина. (хүзүү өвддөг хүмүүс болгоомжтой хийх) 

2. Хэвтээ байдлаас 2 өвдөгөө өргөн нуруугаа шаланд хүргэн хүч өгөн 6 секундын турш барина. (Аарцагаа хагас өргөх чиглэлээр эргүүлэнгээ гэдэсний булчинг татаж чангална)

3. Хэвтээ байрлалаас 2 өвдөгийг өргөнө. Нэг талын хөлийг өргөн 6 секундын турш барина. Хоёр хөлөнд ээлжлэн гүйцэтгэнэ. 

4. Хэвтээ байрлалаас нэг талын өвдөгийг нугалан 2 гараараа өвдөгийг татна. Хоёр хөлөнд ээлжлэн гүйцэтгэнэ. 

5. Хэвтээ байрлалаас нэг талын хөлийг жийн өргөж аажмаар буулгана. Хоёр хөлөнд ээлжлэн гүйцэтгэнэ. 

6. Зураг дээр үзүүлсэний дагуу хэвтээ байрлалаас зүүн гараар баруун өвдөгийг гадна талаас нь түлхэнгээ цээжний булчинг агшаан ээлжлэн 6 секундын турш барина. 

7. Хэвтээ байрлалд өвдөг болон эрүүгээ цээжрүүгээ чиглүүлэн хоёр гараа хажуу тал руу чиглүүлэн сунгаж 6 секундын турш барина. 

8. Гараа ширээний ирмэгт тулан хоёр гар шулуун чигээр биеийн жинг ачин нурууны ачааллыг багасгана. 

9. Турник дээр дүүжлэгдэн нурууны ачааллыг багасган биеийн жинг ашиглан таталт хийнэ. хөл шаланд тулсан байна. 

10. Хоёр өвдөгийг цээж рүү шахан 6 секундын турш барина. 

11. Шалан дээр түрүүлгээ харж, гарын алгыг шалан дээр тавьж, тохойг тэнийлгэн цээжийг дээш өргөн нурууны хүчийг суллан 6 секундын турш барина. Өвдөлт илэрвэл өндөрийн хэмжээг намсган тохируулна. 

12. Гэдсэн доороо дэр байрлуулан түрүүлгээ харан хэвтээд нэг гарыг толгойноос дээш гартал өргөн 6 секундын турш барина. Хоёр гараар ээлжлэн гүйцэтгэнэ. 

13. Шалан дээр түрүүлгээ харж хэвтээд нэг хөлөө дээш өргөнө. Хоёр хөлийг ээлжлэн гүйцэтгэнэ. 

14. Шалан дээр түрүүлгээ харж хэвтээд хоёр гар болон хөлийг дээш өргөж 6 секундын турш барина. 

15. Шалан дээр өвдөглөн доош тонгойх байрлалаас нурууг хотойлгон 6 секунд барьсаны дараа нурууг дээш өргөн 6 секундын турш барина. 

16. Дээрх байрлалаас гар болон хөлийг солбин өргөж, гэдсэнд хүч өгч 6 секундын турш барина. Хоёр талд ээлжлэн гүйцэтгэнэ. 

17. Гэдсэнд хүч өгөнгөө хөлөө дээш өргөн 6 секундын турш барина. 

18. Шалан дээр түрүүлгээ харж хэвтэн толгой, цээж, хоёр гарыг аажмаар шалнаас хөндийрүүлэн 6 секундын турш барина. 

19. Шалан дээр дээш харан хэвтээ байрлалаас өгзөгөө дээш өргөн 6 секундын турш барина. 

20. Өгзөгийг дээш өргөсөн байрлалаас нэг талын хөлийг өргөж 6 секунд барина. Хоёр талдаа ээлжлэн гүйцэтгэнэ. 

Анхаарах зүйлс 

• Бүх дасгалыг хийх үед нуруу болон хөлөнд өвдөлт илэрч болно. Дасгалыг хийх явцад өвдөлт илэрвэл тэр дасгалыг зогсоон мэргэжлийн эмчээс зөвлөгөө аваарай. 
• Өдөрт бүр 10 минутын турш хийж гүйцэтгэнэ. 
• Булчин чангарах тусам  дасгалын хугацааг аажмаар ихэсгэн 30 минут хүртэл уртасгах боломжтой. 

Хаяг: Сөүл хот, Кимпо нисэх онгоцны буудал

Утас: +82-2-2660-7684

010-7744-1885（Монгол орчуулагч）

Факс:+82-2-2660-7690

E-mail: gimpowooridul@gmail.com